الوحوش عا العـروش
لناس وناس الإعْـمار
وبإيد الرّب الأعْـمار
الظالم ببلادي مسْـمار
وسِمسار بيتاجر بالشعـب!
يا ربّي إنت شـفينا
يلـّي فينا مكفـّينا
شفينا مْن ِلـّي بينفينا
وبيهجّرنا من لبنان
عَم تكتر وَصمات العار
الإنسان صار إلو أسعار
البسين صار صديق الفار
البشاعه عَم تـتـوسّـع
الله بيخلقنا أحرار
بالعالم ليش في أشرار
بيضطهدو الناس الأبرار
وعَ الكلّ الشـّمس بتشرق؟!
لازم الإنسان يتوب
كلّ شي بالسّـما محـسـوب
كلام الرّبّ المكـتوب
لمّا منرجَعْـلو منربح
شو بتعـني الديموقراطيّه؟
كيف فينا نعـيش الحـريّه؟
بيحكونا عن القضيّه
ولبنان غـرقان بتعـتيرو
بالعالم كترت الوحـوش
وتربّعِـت عا الِعـروش
السياسِه سْياسة قاشوش
بظلمتها العالم غِـرقان
بلحظه بيكبرو الصّيصان
وبلحظه بيسقط الحصان
هالحاكم أصْلو قِـرصان
مِحْـمي مْن ِالأفـسَد مِـنـُّو!
الإنسان لْ عِـندو ضميـر
بالعالم هوّي الخـميـر
الشـّحّاد عا باب الأميـر
بيستعطي اللقمه تَ يعيش!
الإنماء المتوازن
أسطوره مْن ِالأساطيـر
إهْـراءات وْمخازن…
وسِـرّاقيـن صارو نواطير!
سيمون حبيب صفير
