حقوق الإنسان!
بلبنان حقوق الإنسان عَم بتعاني
من سلطه بتِرعا الظالِم وبتحمي الدّيب!
من دمّ الشعب تبرّا أبشع جاني.
هَيدي العدالِه عنّا بدّا تهذيب!
________________
إهراء الكلمِه بكركي وكلماتا نور!
اللّي بيضطهدونا الله ينوّر عقلن!
رَح يبقى إبن الباطل مِنّا مقهور.
ولادَك يا شرّ بيبقو أسْرى جهلُن!
________________
لمّا غيرَك ما قرّر إنت قَرّرت!
كلّ شي تزوّر يا بطرك حتّى الإحساس،
يا سيّدنا، من خوفُو شعبَك حرّرت،
بقوّه الله رَح تبقى إنت الأساس!
________________
يا ربّي الذلّ بيقوى عَ “رجال” العهر
لكن ما بيقوى علينا بفضل الفادي.
أرض القداسه بلادي ونحنا للطّهر
ندرنا قوّتنا، عبدنا الخير عبادي!
________________
سيمون حبيب صفير
