صِرنا سُفَرا المَسِيح

✝ شَعِّتْ الِبشارَه مْنِ الشَّرق

وْرِسالِتنا الِبشارَه

كِلْمِة الله بْتِخرُق خَرق

وِكْنِيسِتْنا المَنارَه

___________

✝ حَضارِة كنيسِتْنا

أسْمَى وْأقْدَسْ حَضارَه

وِالإنجيلْ مَدرسِتْنا

بإيدِ الرَّبِّ الإدارَه

___________

✝ كنيسِتنا المَلجا الأمِين

الحِضنِ الدّافِي وْسَنَدنا

كْنيسِتنا الكَنز التَّمين

رُوحِ الرَّبّ بْمَعبَدنا

___________

✝ بِالقِيامِه تحَرَّرنا

بِالصَّليبِ انْتَصَرنا

صِرنا سُفَرا المَسِيح

وْمَلَكُوتُو نَشَرنا

___________

✝ كْنيسِتْنا مَمْلَكِتْنا

وْمَلِكْنا مْتَوِّجْنا مْلُوك

العَدرا الْحِلْوِه شْريكِتْنا

بِتْعِلِّمْ حِسْنِ السُّلُوك

سيمون حبيب صفير