الوزرا مغتربين ومهجّرين واللبنانيي نازفين ونازحين!
قال وزير الخارجية والمغتربين عبدالله بو حبيب: انصح الوزير شرف الدين انو يخفف حكي وخلاف مجلس الوزراء معه وحده.
رد وزير المهجرين عصام شرف الدين: “إنت لسانك طويل وأنا تحملتك المرة الماضية وإنت بشو شاطر؟ انت خانع ومهادن ومتواطئ”.
والدبور يقول: دبكت بين وزرا التصريف بحكومة التسويف! بين عبدالله وعصام وقع الانفصام! بين بوحبيب وشرف الدين سجال حول النازحين والثمن بيدفعوه اللبنانيين! بين وزير المغتربين ووزير المهجرين اللبنانيي نازحين ومهجرين! بين تخفيف الحكي واللسان الطويل فيل ينطح فيل! إذاً اعزائي القراء اتهامات وخلافات وتواطؤ بحكومة كل مين إيدو إلو! وعيشوا يا لبنانيي أو بالأحرى موتوا برعاية هالحكومة المهترية!
