حقوق الإنسان بلبنان
حقوق الإنسان بلبنان
عند الحاكم مهضومة
وانشالله القاضي صوّان
يحاسب ويقاضي حكومة
———
مش بس حكومة وتنين
لازم كلّ المسؤولين
تتحاسب عا حجم الدَين
وكيف سرقو منّا ملايين
لازم نوقف عين بعين
ونجابه شو مرتكبين
نحاسب مش شخص وشخصين
نحاسب كلّ المنظومة
———-
صار في تفجير ببيروت
هدّ البنية التحتيّة
ما خلّى سطوح ولا بيوت
ولا مبنى إطفائيّة
وسيارة بسيارة تفوت
عالطرقات البحريّة
وتحت الردم الناس تموت
بأرض المرفأ مظلومة
———–
لما بيتحاكم مسؤول
كان بيعرف وبيعلَم
لا معقول ولا مقبول
يسكت لو كان بيفهم
الشعب اللبناني مقتول
وعلينا الحاكم أجرَم
عارزق الناس وبيقول
كلماتو إلمش مفهومة
———–
قالو بملف التفجير
في روس كبيرة بتنطال
وما عرفنا شو بدّو يصير
لو كفّو عا هالمنوال
مين المسؤول بتقصير
ومين سبب جرم الأهمال
لازم نعرف عا بكير
وما نخبّي ولا معلومة
———
لا تخافو مجرى التحقيق
ولو سكرّ عالجاني الباب
نحنا إل ما في عنا رفيق
علينا يسأل أو أصحاب
عذبتونا وكنّا نطيق
حكومة تعيّشنا بسرساب
وصار بدنا نوعى ونفيق
من الأحلام المشؤومة.
أنطوان إدمون أبوجوده
