لمّا بيتغيّر هالطقم المحيَّر!

قال البنك الدولي أن لبنان لم يقم بالإصلاحات المطلوبة، مما سيؤثر على الاقتصاد لسنوات قادمة، وإن الافتقار إلى الإرادة السياسية يترك لبنان في مواجهة قطاع مصرفي ضعيف، وخدمات عامة غير كافية، وتدهور البنية التحتية، وتفاقم ظروف الفقر والبطالة، واتساع فجوة الدخل… وعلى الحكومة والبرلمان القيام بإجراءات للحد من العجز من خلال قانون قيود رأس المال والسحب ومعالجة القطاع المالي من خلال الاعتراف بالخسائر وإعادة هيكلة البنوك، وتحتاج الحكومة إلى تنفيذ استراتيجية مالية متماسكة…”

والدبور يقول: الإصلاحات ما بقا تفيد لأنو ما بقا في شي بيتصلّح! وهل ممكن نطلب من اللي خرَبها انو يعمّرها؟! فالبنك الدولي بيبيعنا حكي ما عليه جمرك ونظريات وفلسفات! وما عم يقول شي جديد فالقصة قديمة ومعروفة! مش بس من 4 سنين انما من 40 سنة! والمتل بيقول: حط دنَب الكلب بالقالب 40 سنة وشيل القالب بيرجع متل ما كان وما بيجلس! باختصار الإصلاح بيبلّش لما بيتغيّر كل هالطقم المحيَّر.. والمزيَّر والمسيَّر.. لآخر كلمة عَ “القافية”!