بين غسان ونديم سجال عقيم!
قال نديم الجميّل: “الحزب” اغتال شهداء ثورة الارز وجرّ لبنان على حرب وعمل 7 ايار وخطف قرار الدولة ودمّر الاقتصاد والمؤسسات وغيّر هوية لبنان وكان العوني شريكه ويجاهر ويهلل له ويستقوي به.. بـ6 شباط التيار باع روحه وكرامته والبلد من أجل كرسي ومصالح شخصية…”
رد غسان خوري: “بيروت الأولى بتستحق يمثلها بالمقعد الماروني نايب بيحترم نضالها وعقول أبنائها، تخطّى المراهقة والدلع والسخافة، بيقرا التاريخ وبيتعب ع حالو وبيحسب مية مرة قبل ما ينطق حتى يتفادى التفاهة، مش عايز chat gpt يكتبلو خطاب يتهجم فيه على التيار تيحسّ حاله فهمان الشب الزغتور كبر بس ما نضج!
والدبور يقول: بين نديم وغسان الدق حميان! وبين الجميّل وخوري دوري يناقر دوري! وبين غسان ونديم سجال عقيم! وبين خوري والجميّل “ميّل يا غزيّل”! وهكذا اعزائي القراء نحن امام حفلة ازدراء في طبقة الاهتراء وما تحويه من كلام الهراء! لا يسمن ولا يغني من جوع! جوع المواطن الموجوع وحال الوطن المفجوع! اتهامات ومناقرات ومهاترات وتفاهات! ومسرحية تنطبق عليها الاغنية الرحبانية “الرعيان بوادي والقطعان بوادي.. واديهن كراسيهن ويخافوا تطير.. والريح تمرجح فيهن تاخدهن وتلويهن..!
